· UITENA TROBADA “VIVIR EN ARAGONÉS”

1-2-3 de Chunio en Artieda.

 

Se puede vivir en Aragonés?


Prau que sí!!! Bi ha muita chen que lo fa día sin atro porque ye a suya lengua materna en as suyas diferens varians, lo cheso, l’ansotano, o tensino, o pandicuto, el chistabín, el benasqués, el ribagorzano y el belsetán… Y por cada vez bi ha mas chen que, mesmo que l’Aragonés no sia la suya lengua materna lo siente como si en estase y quiere vivir en esta polida lengua de todas nusatras. Por ixo, dende l’Asoziazión Trobada aprestamos año sin atro una trobada con l’obchetivo d’achuntar a fablans nativos con neofablans pa que se conoixcan, charren, chuguen, treballen, fagan pacha, se fagan tragos y compartan diferens actividaz amostrando a toda la chen que ye posible vivir en esta lengua difuera d’os chicoz zerclos familiars y sozials que i somos feitos.
Dende l’Asoziazión Trobada vos convidamos a partizipar en a uitena Trobada “Vivir en aragonés”. Estiaño se fará en Artieda, un puesto do, anque no trobamos fablans patrimonials, o porzentache de chen que charra l’aragonés, mesmo que sian neofablans, ye prau alto. Un cabo de semana d’inmersión lingüistica en aragonés do se fará charradas, tallers, conziertos, cursas, campionatos de pala y de bulder y atras actividaz, todas de raso en aragonés.
Somos mirando d’ubrir as actividaz a lo mayor numero de chen, d’asoziazions y d’entidaz posible, pos ye a millor traza de fer que o treballo arribe ta mas chen y de creyar retes grans de fablans que puedan seguir fendo servir l’aragonés en a suya vida cutiana.
Programa d’a Trobada Artieda2018 (PDF)

Enlaz d’inscripción: https://docs.google.com/forms/d/e/1FAIpQLSfgiYdmvJApl9bZKe1e4bnfGr6jQN3qUONDRlC14sajlSYT7w/viewform

Paraz cuenta que o luns 28 de mayo será o zaguer día pa apuntar-se-ie.

 

 


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn