CUARTA NEWSLETTER D’O PROYEUTO LINGUATEC

O proyeuto europeu LINGUATEC, que tiene como obchetivo desarrollar, contrimostrar y difundir nuevos recursos, ferramientas y aplicazions lingüisticas innovadoras que amilloren o libel de dichitalizazión de l’aragonés, de l’euskera y de l’oczitano, ye dentrando en a recta final. O presén boletín replega lo más destacable d’a reunión d’o consorzio zelebrada rezienmén, os tallers organizaus pa las semanas y meses veniders, y, sobre tot presienta VOTZ, a primera ferramienta de sintesi de voz de l’oczitano.

 

Presentazión d’o primer sintetizador de voz ta l’oczitano

 

O 23 de febrero presentamos en Pau VOTZ, a primera ferramienta de sintesi de voz en oczitano. Se trata d’un gran trango en o desembolique tecnolochico de l’oczitano. VOTZ ye un exzelén resultau d’iste proyeuto de cooperazión transfronterizo, desarrollau por Lo congrès permanent de la lenga occitana, con l’asistenzia d’Elhuyar, sozia tecnolochica y coordinadora d’o proyeuto LINGUATEC .

Se trata d’una ferramienta de sintesi de voz, ye dezir, una aplicazión que convierte o testo escrito en voz. Reconoxe dos dialectos de l’oczitano, o gascón y languedoc, por o que convierte en voz os testos escritos en istos dos dialectos.

As ferramientas d’iste tipo son de gran utilidat pa aumentar l’azesibilidat, ye dezir, de traza que as personas que no pueden leyer puedan escuitar o que replega un testo. En o caso d’a luenga oczitana ye encara más importán, ya que a suya utilizazión ye muito reduzida, por o que grazias a ista ferramienta aumentará a suya visibilidat. Bi estará un brinco gran, un gran trango enta debán.

En iste enlaz se puede azeder a l’acto de presentazión.

De contino s’amuestra l’impacto que ha teniu a presentazión en diferens meyos:

Jornalet

Euskal irratiak

Radio Pais

Más informazión en: linguatec-poctefa.eu

 

Reunión d’o consorzio en Pau

O 23 de febrero zelebramos una reunión os 5 sozios d’o proyeuto LINGUATEC en Pau. En ella, se realizó o balanze d’o libel de desembolique tecnolochico alcanzau, y se concretó o
calandario d’eventos previstos dica chunio. Tot y con o COVID-19, se ratificó o buen ritmo que sigue o proyeuto: preveyemos complir con toz os obchetivos marcaus.
O desembolique de tecnolochías lingüisticas basadas en a intelichenzia artificial ye alazetal ta l’abanze d’as luengas minorizadas d’os dos costaus d’os Pirineus. O proyeuto LINGUATEC l’aconforma una alianza transfronteriza, una coalizión nezesaria en o s. XXI.

Más informazión en: linguatec-poctefa.eu

 

Prenzipals zitas de LINGUATEC

O proyeuto LINGUATEC ye dentrando en a recta final, y entre os prosimos meses s’organizarán diferens eventos ta presentar os resultaus obtenius. Estas son as prenzipals zitas de LINGUATEC:

  • 2021/02/23 Pau Presentazión de resultaus
  • 2021/04/13 Chaca Presentazión de resultaus y taller de demostrazión
  • 2021/05/12 Donostia/Tolosa Presentazión de resultaus y taller de demostrazión
  • Calendata por concretar Donostia/Baiona Presentazión de resultaus y taller de demostrazión
  • 2021/06/17 Pau Congreso LINGUATEC. Tallers de demostrazión
  • 2021/06/18 Donostia Congreso LINGUATEC. Tallers de demostrazión

O proyeuto EFA 227/16 LINGUATEC estió aprebau en a segunda convocatoria POCTEFA con un presupuesto de 1.227.500 euros y ye cofinanziau a lo 65% por lo Fondo Europeu de Desembolique Rechional (FEDER) a traviés d’o Programa Interreg V-A España-Franzia-Andorra (POCTEFA 2014-2020).

 

 

 


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn