“DIGNIDAT” PRIMER VIDEOCLIP DE RAP EN ARAGONÉS GRABAU EN VIETNAM

Son buenos tiempos pa la nueva eszena de mosica en aragonés. A la presentazión d’o disco de diferens autors “O Zaguer Chilo” o 3 d’octubre de l’asoziazión Nogará – religada se suma uei lo videoclip “Dignidat” d’o raper chazetán KVLO. A canta publicada ye un adebanto de “Fuellas d’ivierno” que será lo primer disco de rap de tot en aragonés, con un equipo formau por dos chovens de Chaca: DJ P-T-U en as produczions (Jesús Catalán) y lo cantaire KVLO (Chorche Reyes). Expresivo y poetico, o rap ye un chenero mosical choven que permite esviellar l’aragonés y difundir-lo entre las nuevas chenerazions. O feito de que lo videoclip s’aiga grabau en Vietnam tamién aduya a dignificar a luenga, dau que se ubre enta nuevos horizons y supone una fita como la partizipazión de Mallacán en o festival Fujirock de Chapón u la internazionalizazión de la Orquestina del Fabirol.

En paralelo a lo treballo de KVLO tamién Krevi Solenco prenzipia a fer rap en a nuestra luenga. O zaragozano ha publicau la canta “No ye que rap” en o recopilatorio “O zaguer chilo” que se presentará o diya 13 d’octubre en a plaza San Bruno de Zaragoza en o marco d’as fiestas d’o Pilar. Por atro costau en prenzipiar 2018 se publicará o disco entero de KVLO.

 


CompartirEmail this to someonePrint this pageShare on FacebookShare on Google+Tweet about this on TwitterShare on LinkedIn