SE EDITA LO LIBRO «RELATOS EN CHESO. CONCURSO DE RELATOS CORTOS 2019»
Se ha editau lo libro Relatos en cheso, en lo cual se replegan los relatos d’o Concurso de relatos cortos en cheso 2019. Esta iniziativa estié propuesta dende lo conzello de la Val d’Echo, estableziendo cuatro categorías pa los más chiquez y una pa los grans, abindo pa cada una d’ellas un premio: ‘Categoría A’, de 7 a 9 años; ‘Categoría B’, de 10 a 12 años; ‘Categoría C’, de 13 a 15 años; y ‘Categoría D’, a partir de 18 años.
La profesora Lucía Cajal Miral, mayestra de luenga aragonesa, presienta asinas lo libro en o suyo prelogo:
Dende la escuela, han participáu en l’actividá los críos y crías que’han asistíu ta clases de cheso en lo curso escolar 2018-2019, estando una propuesta muy enriquecedora y que pa muitos yera novedá y de la que’han podíu disfrutar muito y s’han leváu güem remero.
(…) Todos estos relatos son lo resultáu de las ideas e inquietudes que cada autor ha plasmáu en la suya historia, fendo hincapié en lo gran esfuerzo que todos ellos han feito por escribir en la nuestra lengua, dando la oportunidá de siguir liendo en cheso, d’amostralo a los que no l’han escuitáu y de implir de goyo a los que l’han como la suya lengua, aduyando y fomentando a que la nuestra cultura se mantienga viva.
