SE PUBLICA A ORDEN POR A QUE S’ATORGA O PREMIO “ARNAL CAVERO 2020”
Se publica a orden por a que s’atorga o Premio Arnal Cavero 2020, dotato con 3000 euros, a D. Miguel Martinez Tomey, por a obra Quia nullum violentum perpetuum. D’alcuerdo con as deliberazións d’o churato, ista obra, que ye una traduzión d’os Quintii Horatii Flacci Emblemata, a partir d’a edizión feita en Amberes en 1612, ye estata eslechita por a suya riguridat en a cudiata traduzión de l’autor. Tot ixo contrebuye a ra dinificazión e enriquimiento d’a luenga aragonesa en abocar en ella testos clasicos d’una altera valor literaria e artistica. A más a más, en tien sobrebuenas notas de creatividat, en calar orichinals adautazions metricas e ritmicas que enriquen o testo. Istas valors literarias se veyen reflexatas en l’altera puntuazión obtenita por ista obra, que fan que siga merexedera d’una distinzión que ye a primera vegata que se concede a una traduzión.
