PLEGA A “TRONCA DE NADAL” TA O ZENTRO COMERZIAL INDEPENDENZIA DE ZARAGOZA
Dende o 22 d’aviento y dica o 5 de chinero, entre as 17:00 y as 20:00 oras, os ninos y ninas de Zaragoza podrán amanar-se a la Tronca de Nadal que se ferá en o Zentro Comerzial Independenzia (“O Caracol”).
Se trata d’una iniziativa de Ligallo de Fablans de L’Aragonés, patrozinada por a Direzión Cheneral de Politica Lingüistica d’o Gubierno d’Aragón, con a finalidat de recuperar una d’as tradizions nadalencas más populars d’Aragón, consistén en rezitar bendizions y zelebrar rituals arredol d’ella, fusionando o floklore, a machia y a mitolochía d’as anzestrals zelebrazions que daban a bienvenida a lo solsticio d’ibierno.
En bellas zonas, a tronca alquiere un carauter más ludico, cuan os chicoz d’a casa la trucan ta fer salir d’ella carambelos, fruitos xutos u chuguez.
Si quiere enamplar a informazión sobre ista tradizión aragonesa, punche sobre as imachens.
