· REMATA O SEMINARIO DE PROFESORS Y PROFESORAS DE LENGUA ARAGONESA D’O CURSO 2018-19
Ya s’han zelebrau as dos zagueras sesions d’o Seminario ta profesors/as de luenga aragonesa en o CIFE Ana Abarca de Bolea de Uesca.
En a d’o diya 29 de marzo e seguntes a filosofía de dito seminario, se treballó d’una traza colaborativa, en ista ocasión, arredol de diferens aplicazions informaticas que pueden fer onra en l’amostranza de l’aragonés. En concreto e entre otras aplicazions, s’aprendió á fer un blog, á desembolicar publicazions dichitals mediante Issuu, á creyar una canal de You Tube, á diseñar a traviés de Canva u á planteyar concursos en l’aula e fer custonarios d’evaluazión mediante a plataforma Kahoot.
En a d’o 31 de mayo, a traviés d’a ponenzia «Alto en el camino: pararnos para avanzar», a cargo de Enrique Marco, coach presonal e echecutivo PCC, e formador, se fizioron diferens dinamicas de grupo, ta saber, como grupo, o que ye menister en l’amostranza de l’aragonés, a traza d’aconseguir-lo e as capazidaz d’as que partimos. Amás, se presentaron esperienzias e materials didauticos ta l’amostranza de l’aragonés por parti de bels miembros d’o Seminario.
Una polida traza de rematar o Seminario iste curso.
