MARIA VILLALBA GANA O VII CONCURSO DE HAIKUS EN ARAGONÉS Y CELIA NAVAL O DE HAIGAS
GANADORAS D’O SIETENO CONCURSO DE HAIKUS E HAIGAS EN ARAGONÉS
– O pasau 25 de chulio, se fizo publico o resultau d’a sietena edizión d’o concurso de poemas chaponeses escritos en lengua aragonesa.
Iste año ye lo primero en o que se convocan dos categorías, una pa haikus y un atra pa haigas, isto ye, imachens acompañadas d’un haiku.
A ganadora d’a categoría de haikus, ye María Villalba, con o poema:
Renaxedura
d’una fuella caíta
ye a primavera.
En a categoría de haigas, a ganadora ha resultau Celia Naval, con a siguién composizión:
O churau compuesto por José Ánchel Sánchez y Chusé Raul Usón, tamién ha destacau los siguiens poemas:
FRANCHO RODÉS
Naixen flors soras,
Uloretas a l’aire.
Fes lo que quieras.
Alejandro Ibázar
Un zaguer beso
Dos mans se deseparan
Tres versos mutos
Marco Antonio Joven
O Sol puyando
cuatro pietz en o leito
y dos colors.
Celia Naval
L´ababol paece
pel medio de la garba
gota de sangre.
Chabier García Florez
A plebia fina
china chana tresmina
fendo oloreta.
Isidro Tolosana Aso
Muitos te niegan,
pero en estos versos
no t’en yes ida.
Manuel Sánchez Barea
Pam! vola a bala,
en royo marca karma
la pluma que cai
O premio d’o concurso ye un lote de libros y materials en aragonés, donaus por as editorials y entidaz colaboraderas (Gobierno de Aragón, IEA, Consello d’a Fabla, Xordica Editorial, Gara d’edizions, Edicions Transiberiano).
Dende L’aragonés en Plana Uesca, quieren dar as grazias a todas las personas que fan posible o concurso, miembros d’o churau, editorials, asoziazions y todas las personas que I partizipan a traviés de Twitter u Facebook.
